СІТНІЦКАЕ РАДОВІШЧА БУДАЎНІЧАГА КАМЕНЯ (МІКАШЭВІЦКА-ЖЫТКАВІЦКІ ВЫСТУП). П.З. Хоміч, Вытворчае аб’яднанне па геолагаразведачных работах “Белгеалогія”, Мінск

Пералік вядомых на тэрыторыі Беларусі прамысловых радовішчаў будаўнічага каменя (Мікашэвічы – 316,6 млн м³; Глушкавічы – 8,3 млн м³) папоўніўся новай назвай. Беларускай геолагаразведачнай экспедыцыяй падрыхтавана да прамысловага асваення новае – Сітніцкае радовішча будаўнічага каменя (Лунінецкі раён, Брэсцкая вобласць), выяўленае Беларускай геолагаразведачнай экспедыцыяй у 1984 г. Разведачныя работы на радовішчы начаты ў 1987 г., завершали ў 1996 г. з прадстаўленнем разведаных запасаў на зацвярджэнне.